आमचे विजन (Vision)

विकास ही सातत्यपूर्ण प्रक्रिया आहे. गावाच्या विकासासाठी भविष्यात काही योजना आणि विशेष उपक्रम राबवणे विचाराधीन आहेत.

• १. प्राथमिक शाळेला राज्यातील 'मॉडेल स्कूल' म्हणून विकसित करणे. आनंदगड संकुलात वैद्यकीय शिक्षण महाविद्यालय सुरु करणे.
• २. संरक्षित औषधी वनस्पतींची लागवड करणे, स्मशानभूमी परिसरात उद्यान उभारणे.
• ३. बचत गटांच्या माध्यमातून महिला सशक्तीकरण करणे, महिलांना घरगुती उद्योग सुरु करण्यासाठी प्रोत्साहन देणे, घरोघरी लघुउद्योग सुरु करण्यास प्रशिक्षण आणि चालना देणे.
• 4.शिवार अंतर्गत तसेच वाड्या-वस्त्यांवर जाणाऱ्या रस्त्यांचे मजबुतीकरण करणे.
• ५. शेती आधारित उद्योग उभारून स्वयंरोजगाराला चालना देण्यासाठी विविध उपक्रम राबविणे.
• ७. घनकचऱ्याच्या व्यवस्थापनासाठी प्रकल्प उभारणे.
• ८. गावातील शाळेतल्या मुली, सर्व युवती आणि महिलांना सॅनिटरी नॅपकीन पुरवणे. त्यासाठी गावात बचत गटाच्या मार्फत नॅपकीन तयार करणे.
• ९. वेगवेगळ्या पिकांच्या अभ्यासकांना, शास्रज्ञाना निमंत्रित करून शेतक-यांना मोफत सल्ला/मार्गदर्शन करणे.
• १०. माहिती तंत्रज्ञानाचा गावाच्या विकासासाठी परिणामकारक वापर करणे.
• ११. माहिती आणि सुविधा केंद्र सुरु करणे, नागरिकांना सर्व शासकीय योजनांची माहिती यातून मिळेल.
• १२. युवकांसाठी व्यायाम शाळा सुरु करणे.

गावातल्या अनेक कुटुंबात विद्यार्थ्यां ना अभ्यास करण्यासाठी पोषक वातावरण नाही. त्यासाठी गावात अभ्यासिका सुरू करणार आहोत. तिथे पूरक वाचनासाठी पुस्तके असतील. स्पर्धा परीक्षा मार्गदर्शन करण्यासाठी तज्ञ मार्गदर्शक आणि अधिकारी येतील. कॉन्फर्सिंगद्वारे तज्ज्ञांचे मार्गदर्शन घेता येईल. विकिपीडिया, युट्यूब असे गुगल सर्च करुन माहिती घेता येईल. पुरेसा उजेड, खेळती हवा अशी सर्व भौतिक सुविधा तिकडे उपलब्ध असतील.